Թանկարժեք օղիներ՝ կեղծ հոլոգրաֆիկ նշանով․ Վաղարշապատի ոստիկանների բացահայտումը
- Jan 18, 2024
- 1 min read
Հունվարի 12-ին ոստիկանության Վաղարշապատի բաժնի քրեական հետախույզները ստացան հավաստի տեղեկություն, որ Արմավիրի մարզի Այգեկ գյուղի բնակիչ, 22-ամյա մի երիտասարդ տանը ապօրինի պահում և վաճառում է կեղծ հոլոգրաֆիկ նշանով տարբեր տեսակի օղիներ:
Վաղարշապատի քննչական բաժնում նախաձեռնվեց քրեական վարույթ, որի շրջանակներում էլ նույն օրը տեղեկությունը ստուգվեց: Երիտասարդ տանտերը ավտոտնակից և նկուղից ներկայացրեց 49 շիշ տարբեր տեսակի օղի` կեղծ հոլոգրաֆիկ նշանով:
Կազմված փաստաթղթերն ու երիտասարդը ներկայացվել են նախաքննական մարմին: Հանգամանքները պարզվում են:
