Երևանի կենտրոնում ազոտի երկօքսիդի պարունակությունը օդում գերազանցել է թույլատրելի նորմը, փոշու պարունակությունը շատ է եղել 3 թաղամասերում
- Lida Nalbandyan
- Feb 29, 2024
- 1 min read
Հիդրոօթերևութաբանության և մոնիթորինգի կենտրոնը հրապարակել է Երևանում մթնոլորտային օդի որակի մասին ուսումնասիրության արդյունքները՝ վերաբերող փետրվարի 22-28-ն ընկած ժամանակահատվածին։
Ըստ այդմ՝
Փոշու պարունակությունը գերազանցել է սահմանային թույլատրելի կոնցենտրացիան Կենտրոն վարչական շրջանում ամբողջ շաբաթվա ընթացքում, Շենգավիթում և Արաբկիրում՝ փետրվարի 25-ին։
Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան Կենտրոնում՝ փետրվարի 26-28-ը։
Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան։
