Արքայազն Ուիլյամը վրդովվել է արքայազն Հարիի` թագավորական ընտանիք վերադառնալու ցանկությունից
- Lida Nalbandyan
- Feb 18, 2024
- 1 min read
Արքայազն Ուիլյամը վրդովվել է իր եղբոր՝ արքայազն Հարիի` թագավորական ընտանիք վերադառնալու ցանկությունից։ Այս մասին հայտնում է Mirror-ը՝ հղում անելով աղբյուրին։
Նախօրեին լրագրողները գրել էին, որ արքայազն Հարին պատրաստակամություն է հայտնել ժամանակավորապես կատարել թագավորական պարտականությունները՝ աջակցելու իր հորը՝ Մեծ Բրիտանիայի թագավոր Չարլզ III-ին, որը բուժվում է քաղցկեղից։ Սակայն արքայազն Ուիլյամին մոտ կանգնած աղբյուրը հայտնել է, որ նա թույլ չի տա իր եղբորն ընտանիք վերադառնալ։
«Եթե որևէ մեկը պատրաստ է ավելի շատ պարտականություններ ստանձնել, դա Ուիլյամն է, բայց այդ հարցը դեռ նույնիսկ օրակարգում չէ: Այժմ նա մեծ ուշադրություն է հատկացնում հոր առողջության, ընտանիքի և միապետության համար լավագույնի վրա: Հարրիի ցանկացած կարգավիճակով վերադառնալու հավանականությունը զրոյական է»,- հավելել է ինսայդերը:
