Մահացել է Boney M-ի հիմնադիր Ֆրենկ Ֆարիանը

82 տարեկանում մահացել է գերմանացի երաժշտական ​​պրոդյուսեր եւ Boney M դիսկո խմբի հիմնադիր Ֆրանկ Ֆարիանը։ Նրա ընտանիքը հայտարարություն է տարածել, որում ասվում է, որ նա մահացել է Մայամիի իր տանը:

Boney M-ը, որը ստեղծվել է 1976 թվականին, ուներ մի շարք հիթային սինգլներ, այդ թվում՝ Daddy Cool-ը, Rasputin-ը եւ Rivers of Babylon-ը:

Ֆարիանը հիմնել էր նաեւ Milli Vanilli դուետը։ 

Ֆարիանը (Ֆրանց Ռոյթեր) ծնվել է 1941 թվականին Կիրնում, հարավ-արեւմտյան Գերմանիա, եւ սովորել է որպես խոհարար, նա իր երաժշտական ​​կարիերան սկսել է, նախ, որպես երգիչ, ապա որպես պրոդյուսեր: Նա նաեւ աշխատել է այնպիսի մարդկանց հետ, ինչպիսիք են Միս Լոֆը եւ Սթիվի Ուանդերը եւ, ըստ տեղեկությունների, վաճառել է շուրջ 800 միլիոն ձայնասկավառակներ ամբողջ աշխարհում:

2022 թվականին Ֆարիանը հայտնել էր, որ ենթարկվել է սրտի վիրահատության։