Կերգի՞ արդյոք Սնուփ Դոգը «Հրազդան» մարզադաշտում
- Lida Nalbandyan
- Mar 1, 2024
- 1 min read

MediaHub-ը հետաքրքրվել է կազմակերպիչներից՝ «Դոպինգ Սփեյս» ՍՊԸ-ից, թե ի վերջո՝ Սնուփ Դոգիի համերգը տեղի կունենա՞:
«Համերգը տեղի կունենա մայիս-հունիս ամիսներին, այժմ աշխատում ենք, որ հնարավորինս շուտ կոնկրետ օրը հայտարարենք»,- հայտնել են ընկերությունից։
Ինչ վերաբերում է համերգի անցկացման վայրին, կազմակերպիչները ասել են, որ այս պահին կոնկրետ վայր չեն կարող նշել և չի բացառվում, որ նախապես հայտարարված վայրը մնա անփոփոխ՝ «Հրազդան» մարզադաշտը:
Հիշեցնենք՝ Հայաստանի կառավարությունը անցած տարվա օգոստոսի 11-ին ավելի քան 6 միլիոն դոլար հատկացրեց ռեփեր Սնուփ Դոգի համերգի կազմակերպման համար։ Ըստ որոշման հիմնավորման՝ նշյալ գումարը կուղղվի նրա հոնորարի վճարմանը, արտիստի թիմի տեխնիկական պահանջների, անվտանգության և ապահովագրական ծախսերի, բարձրակարգ տեխնիկական հագեցվածության ապահովմանը և գովազդային միջոցառումների իրականացմանը:




















