Գործարար Կարեն Սիմոնյանը կմասնակցի Գյումրու ավագանու ընտրություններին
- Arevik Charchyan
- Feb 28
- 1 min read
Գործարար Կարեն Սիմոնյանը որոշել է մասնակցել Գյումրու ավագանու արտահերթ ընտրություններին՝ հավակնելով քաղաքապետի պաշտոնին: Այս մասին նա տեղեկացրել է ֆեյսբուքյան իր էջով հրապարակած տեսանյութի միջոցով:
Նա, ներկայացնելով կենսագրությունը, նշել է, որ ծառայել է ՀՀ ԶՈւ հատուկ նշանակության զորքերում:
«Սկզբանական աշխատանքս սկսել եմ բանվորությունից, հիմա մի քանի ֆիրմաների սեփականատեր ու հիմնադիր եմ և մի քանի զարգացող բիզնեսների կառավարիչ:
Խորհրդակցել եմ ընկերներիս, թիմակիցներիս և բազմաթիվ գյումրեցիների հետ, որոշել եմ մասնակցել Գյումրիում ավագանու արտահերթ ընտրություններին՝ հավակնելով քաղաքապետի պաշտոնին: Այս որոշումս ամրապնդվեց «Գյումրին ազատ տնտեսական գոտու» ծրագրի ստորագրահավաքի ընթացքում, որտեղ 7,500 գյումրեցի աջակցություն հայտնեց և պատգամ, որ տեր կանգնենք այդ ծրագրին:
Ես, որպես գործարար, ինքնաբավ մարդ եմ, բայց անկեղծ լինենք, չես կարող լիարժեք ինքնաբավ լինել, քանի դեռ Գյումրիում կա բարձր աղքատություն և վերջնականապես քաղաքը չի ազատվել «աղետի գոտի» պիտակից: Ես իմ մեջ տեսնում եմ կարողություն, որը օգուտ կբերի մեր քաղաքին»,- ասել է:
