Սյունիքը եղել է ու կմնա Հայաստանի Հանրապետության մաս. Նիկոլ Փաշինյան
Aug 9, 2025
1 min read
Սյունիքը եղել է ու կմնա Հայաստանի Հանրապետության մաս, ասուլիսի ժամանակ այս մասին հայտարարեց վարչապետ Նիկոլ Փաշինյանը։
«Ստորագրված հռչակագրով մենք արձանագրեցինք՝ Հայաստանն ու Ադրբեջանը միմյանցից տարածքային պահանջներ չեն ունենալու»,-ասաց նա։
Փաշինյանի խոսքով՝ որևէ ուժային, ռազմական կոմպոնենտ չկա ու դրա մասին խոսք լինել չի կարող։
«Պետք չէ ստեղծել խոսույթներ, որոնք չկան»,- ասաց նա։
Վարչապետը նշեց, որ ինքնիշխանությունը, տարածքային ամբողջականությունն ու իրավազորությունը չեն կարող խախտվել:
