«Փաշինյանն ու կինը ինչքան տրվում են վուլգար մատերիալիզմին, այնքան հեռանում են իրականությունից»․ Սուրեն Սուրենյանց
- Arevik Charchyan
- Dec 16, 2024
- 1 min read
Փաշինյանն ու կինը ստեղծում են վիրտուալ Հայաստանի պատկեր, որն իրականում ամենահակապետական մոտեցումն է, որովհետև իրենց ստեղծած այդ Հայաստանում որևէ պետական բան չկա՝ գաղջ մատերիալիզմի դրսևորում է։ Այսպիսի տեսակետ հայտնեց «Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը 168-ի եթերում՝ մեկնաբանելով վարչապետ Փաշինյանի և նրա կնոջ հրապարակումները սոցիալական ցանցերում։ Քաղաքագետի բնորոշմամբ, դա արվում է ամենագռեհիկ, ամենացածրորակ բլոգերների մատուցմամբ՝ Նիկոլ Փաշինյանի և Աննա Հակոբյանի, որոնք մրցակցության մեջ են՝ ում դիտումներն են շատ։
«Ես խորհուրդ կտայի իրենց՝ այդ տեսլականի մեջ շատ չխորանային, որովհետև նախահեղափոխական Ֆրանսիայում Ժան Ժակ Ռուսոն տարբեր Ֆրանսիաների բախումն էր նկարագրում՝ որպես հեղափոխության պատճառ», - նշեց Սուրենյանցը և հավելեց․ «Որովհետև իրենք ինչքան տրվում են վուլգար մատերիալիզմին, կտրվում են իրականությունից, և փոքրացնում են այն միջավայրը, որը թույլ կտա իրենց՝ քաղաքակիրթ հեռանալ»։
