Ավտոտնակում հայտնաբերվել է երիտասարդ տղայի մարմին

Այսօր՝ օգոստոսի 16-ին, առեղծվածային մահվան դեպք է գրանցվել Երևանում: Տեղեկություններ են ստացվել, որ Չարենցի փողոցում ավտոտնակում դի կա: Այս մասին հայտնում է Shamshyan.com-ը։

Պարզվել է, որ մահացածը Արմավիրի մարզի բնակիչ 36-ամյա Ալեն Ս.-ն է:

«Տեղի ունեցածը սպանություն է, ինքնասպանություն, թե դժբախտ պատահար՝ պարզվում է, քանի որ իրավապահները այդ 3 վարկածների ուղղությամբ են աշխատում:  Հնարավոր է, որ կա՛մ կրակելով սպանել են, կա՛մ ինքնասպան է եղել, կա՛մ էլ դիակի մոտ հայտնաբերված ինքնաձիգն անզգուշաբար փորձարկել է, ինչն էլ դարձել է մահվան պատճառ»: