Ժամանակն է վերջ դնելու անիմաստ սպանություններին. Թրամփը շնորհավորել է Զելենսկուն

ԱՄՆ նախագահ Դոնալդ Թրամփը շնորհավորել է Ուկրաինային Անկախության օրվա կապակցությամբ։ Այս մասին հայտնել է Ուկրաինայի նախագահ Վլադիմիր Զելենսկին, որը Թրամփի նամակը հրապարակել է X սոցիալական ցանցում կիրակի՝ օգոստոսի 24-ին։

«Ուկրաինայի ժողովուրդն ունի անսասան ոգի, և ձեր երկրի քաջությունը ոգեշնչման աղբյուր է շատերի համար: Այս կարևոր օրը իմացեք, որ Միացյալ Նահանգները հարգում է ձեր պայքարը, պատվում է ձեր զոհաբերությունը և հավատում է ձեր ապագային որպես անկախ ազգ: Հիմա ժամանակն է վերջ դնել անիմաստ սպանություններին: Միացյալ Նահանգները աջակցում է բանակցային կարգավորմանը, որը կհանգեցնի երկարատև և կայուն խաղաղության, կդադարեցնի արյունահեղությունը և կապահովի Ուկրաինայի ինքնիշխանությունն ու արժանապատվությունը, - գրել է ԱՄՆ նախագահը: