Մահվան ելքով վթար․ մոտոցիկլը բախվել է բենզալցակայանին ու բռնկվել
- Aug 30, 2025
- 1 min read
Այսօր արտակարգ ու ողբերգական դեպք է տեղի ունեցել Շիրակի մարզում։
Ժամը 15։40-ի սահմաններում Երևանի-Գյումրի ավտոճանապարհին՝ Մարալիկի վարչական տարածքում, Երևանի բնակիչ 34-ամյա Է. Հ․-ն իր վարած մոտոցիկլով դուրս է եկել ճանապարհի երթևեկելի գոտուց, բախվել բենզալցակայանի տանիքի հենասյանը և լիցքավորման սարքին։
Ինչպես դեպքի վայրից հայտնում է ֆոտոլրագրող Գագիկ Շամշյանը, մոտոցիկլավարը տեղում մահացել է, իսկ բախման հետևանքով հրդեհ է բռնկվել, բենզալցակայանի աշխատակիցները մարել են այն։
Դեպքի փաստով նախաձեռնվել է քրեական վարույթ։
