Mash. Բլոգեր Արսեն Մարկարյանը թաքնվել է մեքենայի բեռնախցիկում՝ փորձելով փախչել Բելառուս
- Armen Sukiasyan
- 15 hours ago
- 1 min read
Բլոգեր Արսեն Մարկարյանը, որին ձերբակալել են ավտոճանապարհին, թաքնվել էր մեքենայի բեռնախցիկում՝ փորձելով Ռուսաստանից փախչել Բելառուս, գրում է Mash տելեգրամյան ալիքը։
«Օպերատիվ աշխատակիցները հայտնաբերել են ավտոմեքենան և կողմնորոշիչ տվյալները փոխանցել պարեկներին։ Մոժայսկի խճուղում՝ Կուբինկա քաղաքի մոտ, նրան ձերբակալել են ճանապարհային ոստիկանության տեսուչները և հետագա քննության համար տեղափոխել բաժին»,- հայտնում է ռեսուրսը։
Ավելի վաղ ռուսաստանյան լրատվամիջոցները գրել էին, որ Մարկարյանի նկատմամբ քրեական գործ է հարուցվել «նացիզմի արդարացման» հոդվածով։
Նախկինում Մոսկվայի դատախազությունը հայտնել էր, որ հայտնաբերել է բլոգեր Արսեն Մարկարյանի հետ տեսահարցազրույց, որի ընթացքում վերջինս, «իր մեջ ձևավորելով ահաբեկչության գաղափարախոսության և պրակտիկայի ճշմարտացիության մասին կայուն դիրքորոշում, հրապարակային կոչեր է արել Ռուսաստանի տարածքում և նրա քաղաքացիների նկատմամբ ահաբեկչական գործունեություն իրականացնել՝ անօդաչու թռչող սարքերի կիրառմամբ»։
