Ինչպես մեկ գիշերում Փաշինյանի իշխանությունը Տեր Շմավոնի համար «անբարո վայրահաչողներից» վերածվեց համախոհի
Ինչպես մեկ գիշերում Փաշինյանի իշխանությունը Տեր Շմավոնի համար «անբարո վայրահաչողներից» վերածվեց համախոհի
Քանաքեռի Սուրբ Հակոբ եկեղեցու հոգեւոր հայր Տեր Շմավոն քահանա Ղեւոնդյանը, որը նույնպես միացել է Նիկոլ Փաշինյանի եւ եպիսկոպոսների «Եկեղեցու բարենորոգման նախաձեռնությանը», կարճ ժամանակահատվածում դիրքորոշումների ակնհայտ փոփոխություն է ունեցել․ իշխանություններին քննադատողի դիրքերից հանդես եկող քահանան անսպասելիորեն միացել է կաթողիկոսի դեմ իշխանությունների արշավին։
Տեր Շմավոն քահանա Ղեւոնդյանը «Ֆեյսբուքում» առանձնանում է քաղաքական ակտիվությամբ։ Նա նախկինում իր էջում բազմիցս կիսվել է Մայր Աթոռի հայտարարություններով, որոնք դատապարտում են իշխանությունների քաղաքականությունը եկեղեցու հանդեպ։ Ընդամենը ամիսներ առաջ նա տարածել է կարգալույծ հռչակված քահանային վերաբերող՝ Մայր Աթոռի հայտարարությունները։
