«Արդյո՞ք կարելի է այս մարդու ձեռքում թողնել երկրի կառավարման ղեկը»․ Լևոն Զուրաբյան

ՀԱԿ փոխնախագահ Լևոն Զուրաբյանը ֆեյսբուքյան էջում հրապարակել է «Նիկոլի հրեշավոր մերժումն ու սադրանքներն են մեզ տարել դեպի կործանարար պատերազմ» վերնագրով իր հարցազրույցը «168»-ի հետ՝ կից գրառմամբ․ «Հայաստանի ամբողջ դիվանագիտությունը

- 2019 թվականին, երբ բանակցությունների սեղանին դրվել էր բոլորի համար ընդունելի խաղաղության ծրագիր,

- 2020-ի պատերազմի ժամանակ, երբ հնարավոր էր կանգնեցնել այն նվազ կորուստներով,

- 2021-2023 թվականներին, երբ հնարավոր էր փրկել Արցախը, իրագործելով ինքնիշխանության փոխադարձ զիջումների ծրագիրը,

- 2024-2025 թվականներին, երբ հնարավոր էր իրականացնել ամբողջ սահմանագծով սահմանազատման գործընթացը և վերջ դնել սողացող կապիտուլյացիային,

ահա, այս բոլոր տարիներին Հայաստանի դիվանագիտությունը մշտապես ընդունել է Հայաստանի և Արցախի համար ամենավնասակար որոշումները, ամեն անգամ է՛լ aveli ծանրացնելով մեր վիճակը:

Այդ բոլոր որոշումների հեղնակը Նիկոլ Փաշինյանն է:

Դիտե՛ք նրա կառավարման տարիներին ընդունած ազգակործան որոշումների մանրամասն ժամանակագրական վերլուծությունը, որը կատարել ենք Դավիթ Սարգսյանի հետ։

ՈՐՈՇԵ՛Ք․ արդյո՞ք կարելի է այդ մարդու ձեռքում թողնել երկրի կառավարման ղեկը»: