Արգավանդի կամրջի տակ դի է հայտնաբերվել
- Aug 20, 2025
- 1 min read
Այսօր ժամը 11։40-ի սահմաններում Փրկարար ծառայության 911 ճգնաժամային կառավարման ազգային կենտրոնն ահազանգ է ստացել, որ Արգավանդ գյուղի Շիրակի կամրջի տակ, Հրազդան գետի ափային հատվածում տղամարդու դի կա։
Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր ժամանած փրկարարները դուրս են բերել մարմինը և մոտեցրել դիատարին։
Դեպքի փաստով սպանություն (հանկարծամահություն) հատկանիշներով նախաձեռնվել է քրեական վարույթ։
