«Հպարտ եմ, որ ճանաչել եմ, որ լավ ու անմոռանալի պահեր ենք ապրել». Նիկոլայ Եղիազարյանը՝ Արա Դեղտրիկյանի մասին

Դերասան Նիկոլայ Եղիազարյանն ինստագրամյան իր էջում հրապարակում է արել՝ անդրադառնալով ՀՀ Վաստակավոր արտիստ, դերասան Արա Դեղտրիկյանի հետ իր մտերմությանը:

«Ի՜նչ լավ էր, ի՜նչ հավես էր ամեն օրն ու պահը միասին:

Գնաս խաղաղությամբ Դեղտրիկյան ջան, ավագ ընկեր, լավ մարդ: Միշտ կհիշենք, կկարոտենք, ու քո տեղը միշտ կերևա:  Հպարտ եմ, որ ճանաչել եմ, որ լավ ու անմոռանալի պահեր ենք ապրել: Լույսերի մեջ մնաս նվիրյալ մարդ»:

Ավելի վաղ հայտնել էինք, որ կյանքից հեռացել է ՀՀ Վաստակավոր արտիստ, դերասան Արա Դեղտրիկյանը: