«Ափսոսում եմ, բայց համերգին չեմ կարող մասնակցել ու երգել». Սոնա Ռուբենյան

Երգչուհի Սոնա Ռուբենյանն ինստագրամյան էջի սթորի բաժնի միջոցով տեղեկացրել է, որ այսօր՝ Արամ Խաչատրյանի անվան համերգասրահում սպասվող «Առաջին սիրո երգը» համերգին չի կարող մասնակցել առողջական խնդիրների պատճառով:

«Իմ շատ սիրելի հետևորդներ, ափսոսում և ցավում եմ, բայց այս հիանալի համերգին չեմ կարող մասնակցել ու երգել: Այս շրջանում լայն տարածում գտած վիրուսներն ինձ էլ չխնայեցին: Ցանկացած առողջական վիճակում աշխատում եմ համերգ բաց չթողնել, բայց երբեմն միայն ցանկությունը բավարար չէ: Համերգը կայանալու է, բաց չթողնեք: Առողջ եղեք»,- գրել է երգչուհին: