Այսօր «Դրուժբա» խողովակաշարով Սլովակիա կմատակարարվի 13,5 հազար տոննա նավթ. Ֆիցո
- 6 hours ago
- 1 min read
Այսօր՝ ապրիլի 23-ին, հանրապետություն կմատակարարվի 13,5 հազար տոննա նավթ՝ վերագործարկված «Դրուժբա» խողովակաշարով։ Այս մասին հայտնել է Սլովակիայի վարչապետ Ռոբերտ Ֆիցոն, հաղորդում է ՏԱՍՍ-ը:
«Այսօր պետք է մուտք գործի 13,5 հազար տոննա, իսկ մինչև ապրիլի վերջ, ըստ մատակարարումների ժամանակացույցի, պետք է ստացվի 119 հազար տոննա նավթ»,- ասել է վարչապետը։
Ինչպես հիշեցրել է վարչապետը, «Դրուժբայով» ստացվող ռուսական նավթը հիմնականում նախատեսված է Բրատիսլավայում գտնվող «Slovnaft» նավթավերամշակման գործարանի համար։ Այնտեղ արտադրվում է ավտոմոբիլային վառելիք, որն արտահանվում է Կենտրոնական Եվրոպայի այլ երկրներ։
