«Երկրի ժամ». Մարտի 23-ին ժամը 20:30-ից մինչև 21:30-ն անջատել էլեկտրական սարքավորումները և լուսավորությունը

Բնության համաշխարհային հիմնադրամի (WWF) կողմից դեռևս 2004 թվականին մեկնարկել է «Երկրի ժամ» բնապահպանական շարժումը, որը տարեցտարի առավել լայն տարածում է գտնում աշխարհի տարբեր երկրներում։ՀՀ շրջակա միջավայրի նախարարությունից մանրամասնում են՝ մեկ ժամով ամբողջ աշխարհում մարդիկ անջատում են լույսերը և այլ էլեկտրական սարքերը՝ նպատակ ունենալով բարձրացնել իրազեկվածությունը կլիմայի փոփոխության և շրջակա միջավայրի պահպանության  վերաբերյալ:««Երկրի ժամին» մասնակցությունը մեզանից յուրաքանչյուրի համար փոքր, բայց կարևոր ներդրում ունենալու հնարավորություն է գլոբալ տաքացման դեմ պայքարում։ Դա նաև հզոր ազդանշան է կառավարություններին, կազմակերպություններին և հանրությանը` ձեռնարկել գործողություններ մեր մոլորակը պաշտպանելու և պահպանելու համար:Բացի այդ, Երկրի ժամը հնարավորություն է տալիս մտածել ձեր կարիքների, էներգիայի սպառման և ձեր առօրյա կյանքում էկոլոգիապես ավելի պատասխանատու ընտրության  մասին:Սա մտածելու և որոշումներ կայացնելու պահ է, թե ինչպես մեզանից յուրաքանչյուրը կարող է ապրել  էկոլոգիապես ավելի պատասխանատու:Միանալով «Երկրի ժամին»՝ մենք ցույց ենք տալիս մեր հավատարմությունը Երկիր մոլորակը պահպանելու գործողություններին և խրախուսում ենք մյուսներին ևս միանալ:Թեև էկեկտրականությունը  մեկ ժամով անջատելը չի ​​լուծի բոլոր խնդիրները, բայց այն հզոր հաղորդագրություն կուղարկի ապագա սերունդների համար մեր մոլորակի պահպանման կարևորության մասին: Այսպիսով, այս տարի մարտի 23-ին ժամը 20:30-ից մինչև 21:30-ը հորդորում ենք անջատել էլեկտրական սարքավորումները և լուսավորությունը՝ թույլ տալով մեր մոլորակին հանգստանալ լուսային աղտոտումից»,-նշում են նախարարությունից։