Որո՞նք են վահանաձև գեղձի հիվանդության թաքնված նշանները

Դեմքի և ձեռքերի այտուցները, ինչպես նաև տրամադրության հանկարծակի փոփոխությունները, այդ թվում՝ դեպրեսիան, վահանաձև գեղձի հիվանդության թաքնված նշաններ են, զգուշացրել է էնդոկրինոլոգ Ելենա Մամոնտովան։ Այս եւ այլ ախտանիշներ բժիշկը մատնանշել է aif.ru-ի հետ զրույցում։

Եթե ​​նույնիսկ բավականաչափ քնի դեպքում մարդն իրեն հոգնած է զգում և անընդհատ քնկոտ է, ապա պետք է զգուշանալ, նշել է Մամոնտովան։ Նա անվանել է այլ ախտանիշներ, որոնք վկայում են վահանաձև գեղձի հետ կապված խնդիրների մասին, ինչպիսիք ենք, օրինակ, քաշի առանց պատճառի տատանումները, զարկերակի և արյան ճնշման բարձրացումը և ցրտին կամ շոգին սուր ռեակցիաները:

Սրտի ռիթմի խանգարումները հատկապես վտանգավոր են մարդու կյանքի համար, ուստի պետք է անհապաղ դիմել բժշկի։ Էնդոկրին համակարգը բաղկացած է բազմաթիվ օրգաններից, որոնցից որևէ մեկի խանգարումը հանգեցնում է մյուսների հետ կապված խնդիրների:

Բժիշկը նաև ընդգծել է, որ հաճախ մարդու համար դժվար է ինքնուրույն հասկանալ, թե ինչու են իր մոտ առաջանում որոշակի տհաճ ախտանիշներ և դրանք կապել վահանաձև գեղձի հետ կապված խնդիրների հետ։ Ուստի, եթե թվարկված ախտանիշներից որևէ մեկը ի հայտ գա, հատկապես, եթե դրանք երկար տևեն, պետք է անհապաղ դիմել բժշկի, վստահեցրել է Մամոնտովան։