Մի օրում լուծեմ հարցը՝ եղբայրություն, ախպերություն, կանաչ ճանապարհ․ Ծառուկյանը՝ ԵԱՏՄ-ի հետ կապված խնդիրների մասին
- 11 hours ago
- 1 min read
ԲՀԿ առաջնորդ Գագիկ Ծառուկյանի առաջնորդությամբ կուսակցության անդամներն ու աջակիցները քայլերթ են անցկացնում Լառու մարզի Վանաձոր քաղաքում։
Երթի ընթացքում պատասխանելով լրագրողների հարցերին, մասնավորապես, թե ԵԱՏՄ-ի արձագանքից հետո մտահոգություններ են առաջացել հանրության շրջանակում,ի՞նչ տրամադրություններ կան ԵԱՏՄ անդամ պետությունների շրջանում՝ հաշվի առնելով Գագիկ Ծառուկյանի ունեցած կապերը, Ծառուկյանն արձագանքեց․
«Շատ վատ տրամադրություն է, ի՞նչ տրամադրության մասին է խոսքը։ Բոլորն էսօր խառնված, շփոթված են։ Հարյուրավոր զանգեր եմ ստանում՝ ի՞նչ պետք է լինի, ո՞նց պետք է լինի։ Մարդիկ պլաններ ունեն, ծրագրեր ունեն, վարկեր ունեն, ամսվա վերջ է , որ պետք է իրենց վարկերը փակեն, հարկեր, աշխատավարձներ տան։ Ապրանքները հավաքած փչանում է, չգիտեն՝ ինչ անեն, որտե՞ղ տեղավորեն»։
Ծառուկյանը լուծման ուղին տեսնում է հունիսի 7-ի ընտրություններում՝ կոչ անելով քվերկել 7-րդ քվեաթերթիկի օգտին։
«Ասել եմ՝ հնարավորություն տվեք ինձ՝ մի օրում որոշումը կայացնեմ ու մի օրում լուծել հարցը՝ եղբայրություն, ախպերություն, կանաչ ճանապարհ։ Էսօր հլը դեռ անդունդի եզրին ենք, տնտեսությունը, եթե քանդվեց, ի՞նչ է լինելու։ Տնտեսությունը չի լինում իշխանական կամ ընդդիմադիր, ռուսամետ կամ արևմտամետ, տնտեսությունը կամ զարգանում է կամ միանգամից քանդվում, տրաքում է։ Այսօր քանդման եզրին կանգնած ենք։ ժողովրդին ո՞վ է պահելու, ո՞վ է կերակրելու, վարկերն ո՞վ է փակելու։ դատարկ-դատարկ խոսում են։ Էնքան գլուխ գովացին,թե խաղաղություն են բերել, որ սարքեցին Ռուսաստանի տնտեսական ճգնաժամ։
Ռուսաստանը, անձամբ նախագահը, հայտարարել է, որ հայերը, Հայաստանը, իմ բարեկամներն են, եղբայրներն են , եթե դուք մեր թշնամու ուղղությամբ եք գնում՝ դուք մտածեք»։
