top of page

«Պարոն Ռուբինյանը և պարոն Քըլըչը կապի մեջ են, կկազմակերպվի նրանց հանդիպումը և կկարողանանք մի փոքր էլ առաջ գնալ»․ Միրզոյան

ԱԳ նախարար Արարատ Միրզոյանը Հանրային հեռուստաընկերության եթերում անդրադարձավ Հայաստանի և Թուրքիայի միջև հաարաբերությունների կարգավորման գործընթացին։

«Վերջին հանդիպումը եղել է Անթալիայում, բայց դրանից հետո կոնտակտները շարունակվում են»,- ասաց նա։

«Անթալիայում մենք ավելի լայն փոխըմբռնման եկանք մի շարք հարցերի շուրջ․ երկուստեք վերահաստատեցինք մեր հանձնառությունը՝ բացել ցամաքային սահմանը Թուրքիայի և Հայաստանի միջև, երրորդ երկրների քաղաքացիների համար և Հայաստանի և Թուրքիայի այն քաղաքացիների համար, ովքեր դիվանագիտական անձնագիր ունեն»,- հավելեց Միրզոյանը։

Նա հույս հայտնեց, որ իր ասածները կիրականանան։

«Հուսամ՝ առաջիկայում կտեսնենք դրա իրականացումը»,- նշեց Միրզոյանը։

Մի քանի այլ հարցեր էլ կան, Արարատ Միրզոյանի խոսքով, որոնք  կողմերը քննարկում են։

«Պարոն Ռուբինյանը և պարոն Քըլըչը կապի մեջ են, կկազմակերպվի նրանց հանդիպումը և կկարողանանք մի փոքր էլ առաջ գնալ»,- կրկին հույս հայտնեց նա։

Kommentare


bottom of page