Քրիշտիանու Ռոնալդուն արցունքն աչքերին պատմել է, թե ինչպես է ամուսնության առաջարկություն արել Ջորջինային

Քրիշտիանու Ռոնալդուն առաջին անգամ կիսվել է Ջորջինա Ռոդրիգեսի հետ իր նշանադրության մանրամասներով։ 40-ամյա պորտուգալացի ֆուտբոլիստը բացահայտել է իր ընկերուհու արձագանքը շքեղ մատանուն, որը գնահատվում է ավելի քան 5 միլիոն դոլար, Պիրս Մորգանի հետ անկեղծ հարցազրույցի ժամանակ։

«Նա ընդհանրապես չէր անհանգստանում մատանու համար»,-խոստովանել է Ռոնալդոն։ «Նա հարցրեց ինձ, թե արդյոք ես անկեղծ եմ, և ես ասացի. «Ես ուզում եմ քեզ և ուզում եմ ամուսնանալ քեզ հետ»»։

Ֆուտբոլիստի աչքերում արցունքներ էին հոսում։ Նա ուշադիր է ընտրել մատանին՝ հաշվի առնելով Ջորջինայի ճաշակը։ «Նա երազում էր գեղեցիկ քարի մասին, և ես շատ աշխատեցի գտնելու համար այն, ինչ նա կցանկանար», - ասել է Ռոնալդոն։

Ֆուտբոլիստը խոստովանել է, որ սովորաբար իրեն ռոմանտիկ չի համարում, բայց առաջարկության ժամանակը կատարյալ էր, չնայած նա նախապես չէր պլանավորել այն։

«Ժամը մոտավորապես առավոտյան մեկն էր, և իմ դուստրերն արդեն քնած էին», - հիշել է նա։ «Ընկերներիցս մեկը ինձ մատանի նվիրեց, և երբ ես այն տալիս էի Ջորջինային, երեխաներս մոտեցան և ասացին. «Հայրի՛կ, դու մատանին տալու ես մայրիկին և ամուսնության առաջա՞րկ անելու»։

Սա Ռոնալդուի համար նշան էր, որ ժամանակը հարմար էր։ «Ես գիտեի, որ սա հենց այն պահն էր։ Գիտեի, որ մի օր դա կանեմ, բայց այդ գիշեր չէի պլանավորել։ Բայց երբ երեխաներս ասացին դա, և ընկերներս նկարահանեցին, ես հասկացա, որ սա հենց այն է, ինչ ես ուզում էի», - ասել է ֆուտբոլիստը։

«Ես շատ ռոմանտիկ մարդ չեմ», - ասել է նա։ «Իմ ձևով ես ռոմանտիկ եմ, բայց ամեն շաբաթ ծաղիկներ չեմ բերում։ Բայց ես դա արեցի իմ ձևով։ Այն գեղեցիկ էր, և ես գիտեի, որ Ջորջինան իմ կյանքի կինն է»։

Հարսանիքի վերաբերյալ Ռոնալդուն պարզաբանել է. «Մենք այն պլանավորում ենք Աշխարհի առաջնությունից հետո։ Ջորջինան չի սիրում մեծ երեկույթներ. նա նախընտրում է ավելի անձնական մի բան, և ես հարգում եմ նրա ընտրությունը»։

Երբ զույգը օգոստոսի 11-ին հայտարարեց իրենց նշանադրության մասին, Ջորջինայի հսկայական մատանու լուսանկարը անմիջապես վիրուսային դարձավ՝ առաջացնելով մեծ հետաքրքրություն։

Զույգը դեռևս մանրամասներ չի բացահայտել մատանու մասին, բայց մասնագետները գնահատել են դրա չափերը։ Լոնդոնի «77 Diamonds» ընկերության աշխատակից Թոբիաս Կորմինդը գնահատում է, որ կենտրոնական օվալաձև քարը կշռում է մոտավորապես 35 կարատ, իսկ պլատինե ամրացված օվալաձև կողային քարերի հետ միասին՝ ընդհանուր քաշը հասնում է 37 կարատի։

Մասնագետի խոսքով՝ մատանու արժեքը մոտավորապես 5 միլիոն դոլար է։ Կորմինդը այն համեմատել է հայտնի Taylor-Burton ադամանդի հետ՝ 69.42 կարատանոց տանձաձև քարի, որը Էլիզաբեթ Թեյլորին նվիրել էր Ռիչարդ Բարթոնը և աճուրդում գնվել Cartier-ի միջոցով ավելի քան 1 միլիոն դոլարով։