Բռնցքամարտի Հայաստանի հավաքականը Եվրոպայի առաջնությունն ավարտեց 2 արծաթե ու 5 բրոնզե մեդալով
Բռնցքամարտի Հայաստանի հավաքականը Եվրոպայի առաջնությունն ավարտեց 2 արծաթե ու 5 բրոնզե մեդալով։ 92 կգ քաշային Նարեկ Մանասյանը վնասվածքի պատճառով եզրափակիչ մենամարտում ռինգ դուրս չեկավ և ոսկե մեդալը շնորհվեց ռուս բռնցքամարտիկին, հայտնում են Հայաստանի Բռնցքամարտի Ֆեդերացիայից։
Նշվում է, որ արծաթե մեդալ է նվաճել նաև 48 կգ քաշային Բարեղամ Հարությունյանը։
«57 կգ քաշային Արթուր Բազեյանը, 60 կգ քաշային Արթուր Սահակյանը, 67 կգ քաշային Արարատ Հարությունյանը, 50 կգ քաշային Անուշ Գրիգորյանն ու 70 կգ քաշային Անի Հովսեփյանը նվաճեցին բրոնզե մեդալ։ Հայաստանի տղամարդկանց ընտրանին 35 երկրների մեջ թիմային պայքարում 4-րդն էր, իսկ կանանց հավաքականը զբաղեցրեց 5-րդ տեղը։
Մրցավայրում մեր մարզիկների կողքին էր Հայաստանի բռնցքամարտի ֆեդերացիայի նախագահ Հովհաննես Հովսեփյանը», - նշված է հաղորդագրության մեջ։
