Պաշտոնապես հայտարարում է ՀԱԵ-ի և Վեհափառի նկատմամբ ոտնձգության ցանկության մասին, ինչն ակնհայտ հակասահմանադրական է և պարզապես ամոթալի. Վարդևանյան
Jul 20, 2025
1 min read
Փաստաբան Արամ Վարդևանյանն իր ֆեյսբուքյան էջում գրել է․
«Սահմանադրությունը կրկին պետք է նշել՝ երաշխավորում է Հայ Առաքելական Սուրբ Եկեղեցու բացառիկ կարգավիճակը: Նշվածը երաշխավորում է նաև պետական մարմինների հստակ պարտականություն չմիջամտելու մեր Մայր Աթոռին, այդ թվում Վեհափառ Հայրապետի գործունեությանը:
Գործադիր իշխանության ղեկավարը պաշտոնապես հայտարարում է Հայ Առաքելական Սուրբ Եկեղեցու և Վեհափառ Հայրապետի նկատմամբ ոտնձգության ցանկության մասին, նույնիսկ արդեն «պատրաստվելու» կոչ է անում: Այս ամենն ակնհայտ ապօրինի է, հակասահմանադրական է և պարզապես ամոթալի է»:
