Երկու վիտամին, որոնց չարաշահումը կարող է դառնալ քաղցկեղի պատճառ

Շվեդիայի Կարոլինսկայի ինստիտուտի գիտնականները հետազոտության արդյունքում պարզել են, որ գոյություն ունեն վիտամիններ, որոնց գերդոզավորումը կարող է հանգեցնել թոքերի քաղցկեղի զարգացման։ Հետազոտության արդյունքները հրապարակվել են The Journal of Clinical Investigation (JCI) գիտական-բժշկական ամսագրում։

Ըստ ներկայացված տվյալների՝ խոսքը C և E վիտամինների մասին է։ 

Կրծողների վրա անցկացված հետազոտությունների արդյունքում գիտնականները պարզել են, որ այս վիտամինների գերդոզավորման դեպքում օրգանիզմում նկատվում է արյունատար անոթների աճ, այդ թվում նաև չարորակ ուռուցքների հատվածում։ Սա հանգեցնում է նրան, որ քաղցկեղի բջիջներն ավելի շատ թթվածին են ստանում ու սկսում են աճել։