«Lada»-ն հայտնվել է առվակում. ընտանիքի 4 անդամ տեղափոխվել է հիվանդանոց
- Arevik Charchyan
- Oct 2, 2024
- 1 min read
Այսօր՝ հոկտեմբերի 2-ին, խոշոր ավտովթար է տեղի ունեցել Արագածոտնի մարզում։
Ժամը 12:50-ի սահմաններում Լոռու մարզի բնակիչ 34-ամյա Նարեկ Ա.-ն իր վարած «Lada» մակնիշի ավտոմեքենայով Երևան-Աշտարակ ավտոճանապարհի՝ Օհանավան գյուղի վարչական տարածքում, դեպի Երևան ընթանալիս 48 կմ հատվածում, դուրս է եկել հանդիպակաց երթևեկելի գոտի, բախվել բետոնե էլեկտրասյանը և հայտնվել առվակում։
Shamshyan.com-ի տեղեկություններով, վթարի հետևանքով վարորդն ու 3 ուղևոր տեղափոխվել են «Աշտարակ» բժշկական կենտրոն։
Շամշյանի տեղեկություններով՝ վարորդն ու վիրավորները ընտանիքի անդամներ են. վիրավորներն են վարորդի կինը, մայրը և անչափահաս դուստրը։
