Մահացել Է Ճապոնիայի 101-ամյա արքայադուստրը
Nov 15, 2024
1 min read
Ճապոնիայի արքայադուստր Յուրիկո Միկասան մահացել է 101 տարեկան հասակում, հայտնում է NHK-ը՝ հղում անելով Ճապոնիայի կայսերական տան գրասենյակին։
Նա կայսերական ընտանիքի ամենատարեց անդամն էր և արքայազն Միկասի (Տակահիտո) այրին։
Արքայադուստրը մահացել է նոյեմբերի 15-ի առավոտյան։
Յուրիկոն մարտի սկզբին ընդունվել էր Տոկիոյի Սուրբ Ղուկասի միջազգային հիվանդանոց: Պատճառը եղել է ուղեղի ինֆարկտը, նրա մոտ ախտորոշվել է նաև ասպիրացիոն թոքաբորբ։Ավելի ուշ թոքաբորբի ախտանիշներով տեղափոխվել է վերակենդանացման բաժանմունք։
Արքայադստեր ամուսինը՝ արքայազն Միկասան, մահացել է 2016թ. Նրանք ամուսնացած էին 75 տարի։
Ճապոնական կայսերական ընտանիքի անդամների թիվն այժմ 16 է։
