Թրամփը «նվաստացրել» է Մակրոնին՝ նստեցնելով իր գրասեղանի եզրին (Տեսանյութ)
- Feb 25, 2025
- 1 min read
ԱՄՆ նախագահ Դոնալդ Թրամփը, ով Սպիտակ տանը հյուրընկալել էր իր ֆրանսիացի գործընկեր Էմանուել Մակրոնին, նրան նստեցրել է Օվալաձև աշխատասենյակի իր սեղանի եզրին՝ Յոթնյակի (G7) երկրների ղեկավարների հանդիպման ժամանակ, որն անցկացվել է տեսակոնֆերանսի միջոցով։ Կադրերը հրապարակել է New York Post-ը։
Թրամփը Մակրոնին նստեցրել է աջ կողմում, իսկ ԱՄՆ փոխնախագահ Ջ.Դ. Վենսին՝ ձախ կողմում։ Որպես կանոն, նման հանդիպումների ժամանակ պետությունների ղեկավարները նստում են կլոր սեղանի շուրջը: Մակրոնի միջադեպը կանոնակարգի խախտում էր։ Daily Express թերթի փոխանցմամբ՝ ամերիկացի առաջնորդը «նվաստացրել» է իր ֆրանսիացի գործընկերոջը։
Նշենք, որ փետրվարի 24-ին Վաշինգտոնում բանակցություններ են տեղի ունեցել ԱՄՆ-ի և Ֆրանսիայի ղեկավարների միջև։ Նույն օրը տեսակոնֆերանսի միջոցով տեղի է ունեցել Ուկրաինայի հարցով G7-ի գագաթնաժողովը։
