4 oր շարունակ այրվել է Սյունիքի Կալեր գյուղի անտառամերձ տարածքը
- Aug 15, 2025
- 1 min read
Օգոստոսի 11-ին, ժամը 17:28-ին Սյունիքի մարզային փրկարարական վարչության ճգնաժամային կառավարման կենտրոն ահազանգ էր ստացվել Կալեր գյուղում բռնկված հրդեհի վերաբերյալ:
Դեպքի վայր էին մեկնել ՆԳՆ ՓԾ մարզային փրկարարական վարչության ուժերն ու միջոցները:
Պարզվել էր, որ գյուղի անտառամերձ տարածքում չորս օջախով այրվում էր բուսածածկույթ:
Կալեր գյուղի անտառամերձ տարածքում բռնկված հրդեհի մարման աշխատանքները շարունակվել են շուրջ չորս օր: Հրշեջ-փրկարարներին հաջողվել է մեկուսացնել հրդեհը օգոստոսի 13-ին, ժամը 18։50-ին և մարել՝ օգոստոսի 15-ին, ժամը 18։30-ին։ Այրվել է մոտ 350 հա բուսածածկույթ։
Աշխատանքներին ներգրավվել են նաև Էկոպարեկային ծառայության ներկայացուցիչներ:
