Մանե Թանդիլյանը շտապօգնության մեքենայով երեկ տեղափոխվել է հիվանդանոց, գտնվում է բժիշկների հսկողության ներքո
Mar 9, 2025
1 min read
Արդեն ինն օր հացադուլի մեջ գտնվող Մանե Թանդիլյանի ինքնազգացողությունը կրկին վատացել է: Երեկ գիշերը նրան շտապօգնության մեքենայով տեղափոխել են հիվանդանոց: «Ապրելու երկրի» կուսակցության համահիմնադիր Մեսրոպ Առաքելյանը «Փաստինֆո»-ի հետ զրույցում հայտնել է, որ Մանե Թանդիլյանն այժմ հիվանդանոցում է` բժիշկների հսկողության ներքո:
Մանե Թանդիլյանն արդեն իններորդ օրն է, ինչ հացադուլի մեջ է` խնդրելով Ռուբեն Վարդանյանին` դադարեցնել հացադուլը:
Նույն խնդրանքով հացադուլ են իրականացնում նաև Վարդան Ավագյանը, Արտավազդ Լալայանը: Հացադուլի ինն օրերի ընթացքում Մանե Թանդիլյանի ինքնազգացողությունը պարբերաբար վատացել է, նրան տեղափոխել են հիվանդանոց, սակայն Թանդիլյանը նախօրեին հրաժարվել էր բուժօգնությունից և վերադարձել Ազատության հրապարակ` շարունակելով հացադուլը:
