Անդրանիկ Չամիչյանի խափանման միջոցը փոխվեց
Sep 5, 2025
1 min read
Հուլիսի 10-ին ՀՅԴ-ականների տներում իրականացված խուզարկություններից հետո կալանավորված ՀՅԴ Հայաստանի երիտասարդական միության (ՀԵՄ) անդամ 18-ամյա Անդրանիկ Չամիչյանի խափանման միջոցը փոխվել է։
Իրավապաշտպան Ռուբեն Մելիքյանը հայտնել է՝ դատավոր Լուսինե Ալավերդյանը սահմանել է տնային կալանք։
«Անդրանիկը 2 ամիս տնային կալանքի ներքո է լինելու։ Նրան արգելված է հաղորդակցվել որևէ մեկի հետ»,- հայտնել է Ռուբեն Մելիքյանը։
Նշենք, որ Չամիչյանի բանտային կալանքը երկարացնելու վերաբերյալ միջնորդություն ներկայացրել էր քննիչը։
