Երկու զոհ՝ Երևան-Երասխ ավտոճանապարհին տեղի ունեցած վթարի հետևանքով
- Aug 28, 2025
- 1 min read
Այսօր ողբերգական ելքով ավտովթար է տեղի ունեցել Արարատի մարզում։ Ժամը 17։30-ի սահմաններում Երևան-Երասխ ավտոճանապարհին բախվել են «Opel» և «Volkswagen» մակնիշների ավտոմեքենաները, ինչի հետևանքով «Volkswagen»-ը դուրս է եկել երթևեկելի գոտուց և հայտնվել դաշտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով մեկ հոգի տեղում մահացել է, 3 հոգի ծայրահեղ ծանր վիճակում տեղափոխվել են հիվանդանոց։
Ավելի ուշ հիվանդանոցից տեղեկություն է ստացվել, որ վիրավորներից մեկը, գիտակցության չգալով, մահացել է։
Վթարի փաստով նախաձեռնվել է քրեական վարույթ։
