«Մեր խնդրանքն ու հորդորն է՝ մի՛ տրվեք սադրանքների»․ Տեր Մաղաքիա Օհանյան

Տեր Մաղաքիա քահանա Օհանյանի ֆեյսբուքյան գրառումը․ «Սիրելի՛ եղբայրներ և քույրեր, զավակներ մեր սուրբ եկեղեցու, այսօր առավել քան փոթորկված է մեր հոգևոր և ազգային կյանքը։

Մեր խնդրանքն ու հորդորն է՝ մի՛ տրվեք սադրանքների։ Դու՛ք, հայհոյողներին և չարախոսներին իրենց նման մի՛ պատասխանեք, նրանց խոսքերին մի՛ տրվեք, նրանք հենց դա էլ ուզում ՝ իրենց մակարդակին ձեզ իջեցնելու։

«Որովհետև ինչ ելնում է մարդու բերանից , սրտից է գալիս և այն է մարդուն պղծում, քանի որ սրտից են ելնում չար խորհուդները» (Ավետարան)։

Ամեն մարդ դիմացինին չափում է իր արշինով, իր կրթական և բարոյական մակարդակով։

Զգույշ եղե՛ք, որպեզի գայթակղության և մոլորության մեջ չընկնեք։

Հիշե՛ք, որ մեր պայքարը մարդու դեմ չէ, այլ այս աշխարհի չար ոգիների, ինչպես ասում է Առաքյալը։

«Դուք օրհնեցեք և մի՛ անիծեք։ Տիրոջը ծառայե՛ք, նեղությանը համբերեցե՛ք և հաճախակի աղոթեցե՛ք։

Չարին չարով մի՛ հատուցեք»։ (Պողոս Առաքյալ)։

Երբեք չհուսահատվե՛ք , որովհետև սատանան էլ հենց դա է ուզում, այլ հիշե՛ք Տիրոջ հուսադրող և գոտեպնդող խոսքը, որ ասաց.

«Ձեր սրտերը թո՛ղ չխռովվեն և չվախենան։ Աշխարհում նեղություն պիտի ունենաք, սակայն քաջալերվեցե՛ք, որովհետև ԵՍ ՀԱՂԹԵՑԻ ԱՇԽԱՐՀԻՆ»։

Հաստատուն մնացե՛ք հավատքի մեջ, հավատարիմ Ավետարանին և Առաքելական մեր Սուրբ Եկեղեցուն։

Աստված պահապան բոլորիդ»։