Ամերիկուհին ամուսնության ավելի քան 4000 դիմում է ստացել «Ամուսնացիր ինձ հետ» գովազդային վահանակների շնորհիվ
- 3 hours ago
- 1 min read
ԱՄՆ 42-ամյա բնակչուհի Լիզա Կատալանոն որոշել է ամուսին փնտրել անսովոր եղանակով. նա գործարկել է marrylisa.com կայքը և գովազդը տարածել գովազդային վահանակների և տաքսիների միջոցով: «Ամուսնացիր ինձ հետ» արշավը մեկնարկել է 2025 թվականի աշնանը, և այդ ժամանակվանից ի վեր ստացել է ամուսնու թեկնածուների ավելի քան 4000 դիմում:
Կատալանոն նախկինում լուրջ հիվանդության պատճառով կորցրել էր ընկերոջը և հիասթափվել ծանոթությունների հավելվածներից: Այժմ նա ձեռքով մեկ առ նեկ ընտրում է թեկնածուներին՝ հիմնվելով այնպիսի չափանիշների վրա, ինչպիսիք են տարիքը՝ 35-ից 47 տարեկան, և Կալիֆոռնիայում ապրելը: 4000 դիմումներից 20-ը ընդգրկվել են կարճ ցուցակում, ժամադրության է հրավիրվել հինգ տղամարդ:
«Դա իմ կյանքի ամենասթրեսային ժամանակահատվածն էր և միաժամանակ ամենահմայիչ բանը, որ երբևէ պատահել է ինձ»,- խոստովանել է Կատալանոն: Նրա ասելով՝ իդեալական թեկնածուն դեռևս չի գտել, և որոնումները շարունակվում են՝ չնայած զգալի ծախսերին:
Նախկինում զուգընկեր գտնելու նմանատիպ մեթոդ կիրառել է 34-ամյա ամերիկուհի Փեյջ Դեյվիսը, որը չորս տարի շարունակ ընկերների միջոցով Սուրբ Ծննդյան բացիկներ էր ուղարկում հավանական թեկնածուներին։
