Բժիշկները հայտնաբերել են երիկամների քաղցկեղի ոչ բացահայտ ախտանիշ

Մեջքի ստորին հատվածում բութ ցավը կարող է վկայել քաղցկեղի զարգացման մասին, հաղորդել է «China Times»-ը։

Ֆոնգ Նգույեն հիվանդանոցի ուրոլոգիայի բաժանմունքի վարիչ, բժիշկ Լամ Դուկ Կին, զգուշացրել է, որ երիկամների քաղցկեղը վաղ փուլերում հաճախ ասիմպտոմատիկ է։ Հիվանդության առաջին նշանները հաճախ շփոթվում են միզուղիների վարակների կամ երիկամների քարերի հետ։

Երիկամի քաղցկեղի դասական ախտանիշներից են մեզի մեջ արյունը, որովայնի շրջանում շոշափելի ուռուցքը և մեջքի ստորին հատվածի կամ ազդրի ցավը։ Սակայն, հիվանդների գրեթե 30%-ի մոտ քաղցկեղն արդեն իր առաջադեմ փուլերում է, երբ այս ախտանիշները ի հայտ են գալիս։

Ռիսկի խմբում են ճարպակալում, հիպերտոնիա և քրոնիկ երիկամային հիվանդություն ունեցող մարդիկ։ Երկարատև դիալիզը կամ ծանր մետաղների կամ քիմիական լուծիչների կանոնավոր ազդեցությունը նույնպես կարող են հանգեցնել քաղցկեղի զարգացմանը։

Բժիշկները խորհուրդ են տալիս 40 տարեկանից բարձր մարդկանց պարբերաբար բժշկական զննումներ և որովայնի խոռոչի ուլտրաձայնային հետազոտություն անցնել՝ երիկամների քաղցկեղը վաղ հայտնաբերելու համար։