Ծառուկյան-ԲՀԿ ղեկավարի բիզնես ողնաշարը կոտրվելու է՝ Արարատի ցեմենտի գործարանը լինելու է պետական. Փաշինյան
- 5 days ago
- 1 min read
«Երեկ իմացանք, որ ԲՀԿ-ի ղեկավարն էլ «Ճ » կլասի լրտես է»,- Շնողում կայացած հանդիպմանը, որին մեծ թվով դպրոցականներ էին ներկա, ասաց Նիկոլ Փաշինյանը։
Նա հայտարարեց, թե ուրիշ բաներ են բացահայտվում։
«Բայց Գուլոյան-Ծառուկյան մաֆիան նոր պետք է իր հատուցմանը հասնի։ Ինչպես 2021 թվականին ձեզ խոստացա, որ ԶՊՄԿ-ի հետ պրոցեսներ են լինելու, հիմա ձեզ ուղիղ ասում եմ, շատ շուտով Ծառուկյան-ԲՀԿ ղեկավարի բիզնես ողնաշարը կոտրվելու է՝ Արարատի ցեմենտի գործարանը լինելու է պետական և պատկանելու է ՀՀ-ին։ Որովհետև այդ Գուլոյան-Ծառուկյան մաֆիայի մախինացիան բացահայտվել է և կառավարությունն արդեն իսկ գրություն է ստացել ՀՀ դատախազությունից, որ այդ գույքը ենթակա է պետականացման և առաջիկայում շատ արագ մենք ինչպես ՀԷՑ-ում նշանակեցինք կառավարիչ, այնպես էլ Արարատի ցեմենտում ենք նշանակելու կառավարիչ»,- հայտարարեց փաշինյանը և գործարանի աշխատակիցներին հորդորեց չենթարկվել օրինական սեփականատերին։
