Բրազիլացի «կենդանի Նոստրադամուսը» Արկտիկայում լուրջ հակամարտություն է կանխատեսել Ռուսաստանի և ՆԱՏՕ-ի միջև

Բրազիլացի միստիկ Աթոս Սալոմեն, որը հայտնի է որպես «կենդանի Նոստրադամուս», հրապարակել է 2026 թվականի 10 հիմնական կանխատեսումների ցանկը։ Նա զգուշացնում է մի ժամանակաշրջանի մասին, որը բնորոշվելու է աշխարհաքաղաքական հակամարտությունների սրմամբ, զգալի տնտեսական տեղաշարժերով և աննախադեպ բնական ու տեխնոլոգիական խափանումներով, գրում է Express-ը։

Մասնավորապես, Սալոմեն կանխատեսում է, որ 2026 թվականին Արկտիկայում Ռուսաստանի և ՆԱՏՕ-ի միջև լուրջ հակամարտություն տեղի կունենա, որը կապված կլինի ռազմական էսկալացիայի և ռազմավարական տարածքների համար պայքարի հետ։

Ըստ Սալոմեի, իր կանխատեսումը մատնանշում է Ռուսաստանի շարունակվող միլիտարիզացիան և տարածաշրջանում նոր դոկտրինները, որոնք ուղիղ առճակատման մտավախություն են առաջացնում՝ դաշինքների ամրապնդման և ռեսուրսների համար պայքարի սրման ֆոնին։

Անվտանգության ոլորտի փորձագետները կարծում են, որ Արկտիկայի էներգետիկ պաշարները և նոր ծովային ուղիները, հավանաբար, թեժ կետեր են։ Մոսկվայի ռազմական դիրքորոշումն ու հռետորաբանությունը՝ հյուսիսում ՆԱՏՕ-ի ուժեղացված պաշտպանության հետ համատեղ, այդ տարածաշրջանը դարձնում են Արևելքի և Արևմուտքի միջև հակամարտության հնարավոր պատճառ։

Այս իրադարձություններն ուժեղացնում են մտավախությունները, որ Արկտիկան համագործակցության գոտուց վերածվում է աճող ռազմավարական մրցակցության գոտու։