Թրամփը երբ կարող է հարվածել Իրանին. չորս առավել հավանական սցենարները. Jerusalem Post
- 7 hours ago
- 2 min read
ԱՄՆ նախագահ Դոնալդ Թրամփը կանգնած է իր նախագահության, թերևս, ամենալուրջ որոշման առջև՝ թե՛ ներքին, թե՛ միջազգային մակարդակով հսկայական ճնշման պայմաններում: Փորձագետներն առանձնացրել են Իրանին հնարավոր հարվածի չորս ամենահավանական սցենարները, եթե բանակցությունները չհանգեցնեն համաձայնության, գրում է Jerusalem Post-ը։
Սցենար 1. կիրակիի և հինգշաբթիի միջև
Թրամփը կարող է հարձակվել Իրանի վրա արդեն այս շաբաթ, եթե ռազմական հարվածի մասին որոշումն արդեն ընդունված է, սակայն նախագահը սպասում է հարմար պահի՝ գործողությունը համակարգելու համար: Հինգշաբթի հարվածի հնարավորությունը կապված է այն փաստի հետ, որ այդ օրն Իրանի հետ նոր բանակցություններ են նախատեսված: Եթե Թրամփը Թեհրանի առաջարկն անբավարար համարի, հարվածը կարող է տեղի ունենալ հանդիպումից անմիջապես հետո։
Սցենար 2. հաջորդ շաբաթվա սկիզբ կամ շաբաթվա կես
Այդ տարբերակը համարվում է ամենահավանականը: Անցյալ շաբաթ Թրամփն Իրանին երկու շաբաթ ժամանակ տվեց համաձայնության հասնելու համար, որից հետո սպառնաց ռազմական գործողություններով: Փորձագետները նշում են, որ նախագահը հաճախակի փոխում է ժամկետները և դրանք օգտագործում է որպես չափանիշ իր նպատակներին հասնելու համար: Եթե Իրանի առաջարկն անբավարար լինի, հարվածը կարող է տեղի ունենալ հաջորդ շաբաթվա սկզբին կամ կեսերին։
Սցենար 3. Ռամադանի ավարտից անմիջապես հետո (մարտի 19-ից հետո)
Ռամադանն ավարտվում է մարտի 19-ին։ Սուրբ ամսվա ընթացքում հարվածները կարող են բարդացնել ԱՄՆ սուննի դաշնակիցների դիրքը և Իրանին հիմք տալ արտաքին ուժերին մեղադրելու տարածաշրջանի գործերին միջամտելու մեջ։ Ռամադանից հետո հարվածի հետաձգումը կնվազեցնի քաղաքական և ռազմավարական ռիսկերը, սակայն հաշվի առնելով ԱՄՆ ուժերի երկարատև ներկայությունը տարածաշրջանում, այդ տարբերակը քիչ հավանական է թվում։
Սցենար 4. ավելի երկարաժամկետհեռանկարում
Ամենաանհավանական սցենարը հարվածի հետաձգումն է ավելի երկարաժամկետ հեռանկարում։ Երկու ավիակիրների, տասնյակ ականակիրների և հարյուրավոր ինքնաթիռների լիարժեք մարտական պատրաստության մեջ պահելը ԱՄՆ-ին միլիարդավոր դոլարներ է արժենում։ Գործնականում ոչ ոք չի սպասում, որ Թրամփը մարտի կեսերից հետո նման «նավատորմ» կպահպանի առանց օգտագործման կամ առանց համաձայնագրի։
Կարևոր նրբերանգներ
Իրանը հմուտ է բանակցությունները երկարաձգելու հարցում, ինչը կարող է Թրամփին այն պատրանքը տալ, որ կարող է «սպասել լավագույն լուծմանը»։
Իսրայելցի վերլուծաբանները իրարամերժ կարծիքներ ունեն այն մասին՝ արդյոք Թեհրանը կհարձակվի՞ Իսրայելի վրա՝ ի պատասխան ԱՄՆ հարվածի։ Հարվածի մոտենալուն զուգընթաց, ԱՄՆ գործողությանը Իսրայելի մասնակցության և Իրանի պատասխան գործողությունների հավանականությունը միայն մեծանում է։
Փորձագետները նշում են, որ Թրամփի որոշումը կարող է ընդունվել ցանկացած պահի, և ցանկացած հարվածի հետևանքները երկարաժամկետ տարածաշրջանային հետևանքներ կունենան։
