«Այսօրվա հանրահավաքի մասնակիցների քանակը 10-րդ կարգի գործոն է». Ստեփան Դանիելյան
- Arevik Charchyan
- May 10, 2024
- 1 min read
Քաղաքագետ Ստեփան Դանիելյանի գրառումը․ «Այսօրվա հանրահավաքի մասնակիցների քանակը 10-րդ կարգի գործոն է։
Երեկ հիմնական գործն արվել է, մոբիլիզացիան կայացել է` կամ արտահայտությունն արվել է։ Նույնիսկ կարելի է մի երկու օր հանրահավաք չանել։
Բացատրեմ` ինչու։
Երեկվա հանրահավաքի արդյունքում ընդունվել է իմպիչմենտի որոշում։ Հիմա փողոցում դեռ գործ չկա անելու, գործն ԱԺ ընդդիմությունը պետք է անի.
1. հավաքի անհրաժեշտ ստորագրությունները,
2. պայմանավորվեն վարչապետի թեկնածուի համար։
Հաջորդ փուլում արդեն կգա համազգային հանրահավաքի ժամանակն, ԱԺ քվեարկության օրը, իսկ մինչ այդ ընտրողները, պետք է հանդիպեն պատգամավորների հետ` հատ-առ-հատ, եւ տեղ հասցնեն իրենց` ընտրողների պատգամը։
Հաջորդ հանրահավաքի համար մարդիկ կիմանան` ինչի են հավաքվում և ինչ պետք է անեն, իսկ ռեժիմը պետք է մնա մաշեցնող անորոշության մեջ»։
