«Ես այսօր ուզում եմ հրապարակավ դիմել Ձեզ»․ Կարին Տոնոյանի բաց նամակը Բագրատ Սրբազանին
Կարին Տոնոյանը բաց նամակով դիմել է Տեր Բագրատ արքեպիսկոպոս Գալստանյանին․
«Սրբազա’ն Հայր,
դեռ չարաբաստիկ 2020 թ.-ի 44-օրյա պատերազմից հետո պարբերաբար հանդիպել եմ Ձեզ հետ և տեսել անասելի հայրենասեր, խորագետ ու պատվելի հոգևորականի: Դեռ 2021 թ.-ից, երբ ինքս էլ վրեժի ու Հայրենիքի կորստի վախից նետվեցի քաղաքականության մեջ, հասկացել եմ, թե ինչքան անիրական ու ինքնավարկաբեկված է հայաստանյան քաղաքական դաշտը և համոզվել, որ միայն Հայ Առաքելական Եկեղեցին կարող է համախմբել ու առաջնորդել Հայրենիքի համար մերօրյա ազատագրական պայքարը, որպես միակ կանգուն մնացած համակարգային կառույց, որպես Աստծո կամքի խոսնակ, որի մասին էլ պարբերաբար խոսել եմ Վեհափառի, Միքայել Սրբազանի և Ձեզ հետ հանդիպումներում:
