Խնդրում եմ՝ ոչ մի դեպքում չընկրկեք Եկեղեցու դեմ դուրս եկած անօրենների առջև․ Մարուքյանը՝ Հայր Ռուբենին

«Լուսավոր Հայաստան» կուսակցության առաջնորդ Էդմոն Մարուքյանն իր աջակցությունն է հայտնել Մասյացոտնի թեմի նորանշանակ առաջնորդական տեղապահին։

«Դիմում եմ Մասյացոտնի թեմի նորանշանակ առաջնորդական տեղապահ Հոգեշնորհ Տ․ Ռուբեն վարդապետ Զարգարյանին

Հարգելի՛ Տեր Ռուբեն, ուզում եմ իմանաք, որ Դուք ունեք մեր լիակատար աջակցությունը Ձեր առաքելության իրականացման ճանապարհին։ Խնդրում եմ՝ ոչ մի դեպքում չընկրկեք մեր Եկեղեցու դեմ դուրս եկած անօրենների առջև։

Որպես իրավաբան՝ հավաստիացնում եմ, որ Տեր Ռուբեն վարդապետ Զարգարյանի բոլոր գործողությունները օրինական և լեգիտիմ են, մինչդեռ նրա դեմ ուժային կառույցների կողմից իրականացվող գործողություններն ապօրինի են, իսկ վարչապետի արածը՝ հակասահմանադրական։

Պինդ մնացե՛ք, Տեր Ռուբեն, Սահմանադրությունը, օրենքը և ամենակարևորը՝ Աստված, Ձեր թիկունքին են»,- գրել է նա: