Թշնամու նպատակը Սիսիան-Գորիս ճանապարհն իր վերահսկողության տակ վերցնելն է․ Արտակ Զաքարյան
«Այս պահին իրավիճակի վերաբերյալ գնահատական չեմ կարող տալ, քանի որ գործողությունները շարունակվում են»,- MediaHub.am-ի հետ զրույցում ասաց պաշտպանության նախկին փոխնախարար Արտակ Զաքարյանը։
Զաքարյանի խոսքով՝ թշնամու նպատակն այս պահին դեպի Նախիջևան միջանցքը ռազմական ճանապարհով վերցնելը չէ։
«Ադրբեջանը փորձում է Սիսիան-Գորիս ճանապարհն իր վերահսկողության տակ վերցնել»,- ասաց Զաքարյանը։
Ավելի վաղ հայտնել ենք, որ ժամը 14։30-ի դրությամբ իրադրությունը ՀՀ արևելյան սահմանագոտում շարունակում է ծայրահեղ լարված մնալ։ Ընթանում են տեղային մարտեր, որոնց ընթացքում հակառակորդը կիրառում է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմից իրականացվում են համարժեք գործողություններ։ Իրադրությունը վերահսկում են ՀՀ զինված ուժերը։
Արմինե Նավոյան
