Հունաստանում ԵՄ սուբսիդիաների խարդախության մեջ կասկածվող 16 անձ կանգնել է դատարանի առաջ

Հունաստանի Կրետե կղզում 16 մարդ կալանավորվել է պետական վճարային գործակալության՝ OPEKEPE-ի,միջոցով ԵՄ գյուղատնտեսական սուբսիդիաներն ապօրինաբար ստանալու կասկածանքով, նրանց ժամանակ կտրվի ցուցմունքներ տալու համար քննիչ դատավորի առաջ, գրում է Kathimerini-ն։

Կասկածյալները կիրակի առավոտյան ներկայացվել են նաև Եվրոպական դատախազությանը Աթենքում, որտեղ դատախազները ավարտել են քրեական մեղադրանքների ներկայացման գործընթացը։ Նրանց առաջադրվել է մի շարք ծանր մեղադրանքներ, ներառյալ հանցավոր կազմակերպություն ստեղծելը և ղեկավարելը, սուբսիդիաների խարդախությունը ծանրացուցիչ հանգամանքներում, փողերի լվացումը և խարդախությունը Եվրոպական միության և Հունաստանի ֆինանսական շահերի դեմ։

Իշխանությունները պնդում են, որ սխեման գործել է 2019-ից մինչև 2025 թվականը և ներառել է կեղծ հայտարարագրեր և առնվազն 11 կեղծ բանկային հաշիվների օգտագործում՝ եկամուտները թաքցնելու նպատակով։