Մանրամասներ Իսակովի պողոտայում տեղի ունեցած ավտովթարից

Դեկտեմբերի 11-ին ավտովթար է տեղի ունեցել Երևանում։ Այդ մասին հայտնում է shamshyan.com-ը։

Ժամը 19։40-ի սահմաններում Իսակովի պողոտայում, Ոստիկանության զորքերի N զորամասի դիմաց բախվել են Chevrolet և Ford Transit մակնիշի ավտոմեքենաները։

Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։

Օպերատիվորեն ժամանել են Երևանի 1-03 շտապօգնության բժիշկների հերթապահ խումբը, սակայն վարորդները հրաժարվել են բժիշկների օգնությունից, հայտնելով, որ իրենց լավ են զգում։

Պարեկային ծառայությունը պարզում է վարորդների ինքնությունը։