ՀԷՑ-ի և մնացած բոլոր գործերով ՀՀ-ն լիովին կատարում է իր միջազգային պարտավորությունները․ Անդրեասյան

ՀՀ-ն կատարում է իր բոլոր միջազգային պարտավորությունները՝ բոլոր արբիտրաժային վեճերով։ Այս մասին լրագրողների հետ զրույցում ասաց Միջազգային իրավական հարցերով ՀՀ ներկայացուցիչ Կարեն Անդրեասյանը՝ անդրադառնալով ՀԷՑ-ի արբիտրաժային որոշումը չկատարելուն։ 

 «ՀԷՑ-ի և մնացած բոլոր գործերով ՀՀ-ն լիովին կատարում է իր միջազգային պարտավորությունները»,- հայտարարեց Անդրեասյանը՝ հավելելով, որ այն ինչ արվել է, եղել է միջազգային պարտավորությունների շրջանակներում, թե ինչ է միջանկյալ որոշումը, որքանով է կատարվել, ինչպես պետք է կատարվի՝ ներկայացվում է տրիբունալին։