Մանրամասներ երեկ վիրավորում ստացած զինծառայողների առողջական վիճակի մասին

Երեկ կեսօրին ադրբեջանական սադրանքի հետևանքով վիրավորում ստացած 8 զինծառայողներից 6-ի կյանքին վտանգ չի սպառնում: Այդ մասին MediaHub-ին հայտնում են Պաշտպանության նախարարությունից։

Հիշեցնենք, որ դեկտեմբերի 10-ին` ժամը 19:30-ի սահմաններում, ՀՀ հարավային ուղղությամբ տեղակայված զորամասերից մեկում, նախնական տվյալներով` համածառայակցի կողմից արձակված կրակոցներից մահացու հրազենային վիրավորում է ստացել ժամկետային զինծառայող, շարքային Սենիկ Աշոտի Արզումանյանը (ծնվ. 2002թ.):

Ավելի վաղ հայտնել էինք, որ դեկտեմբերի 10-ին ՀՀ արևելյան ուղղությամբ (Գեղարքունիքի մարզ) Ադրբեջանի ԶՈՒ ստորաբաժանումների ձեռնարկած նախահարձակ գործողություններին դիմակայելու ընթացքում զոհվել է ՀՀ ՊՆ N զորամասի ժամկետային զինծառայող, շարքային Վահե Վաղարշակի Մանասերյանը (ծնվ. 2002թ.)։

Մերի Գևորգյան