Նորավանում երեկ գիշերվանից հանգիստ վիճակ է․ գյուղապետ
Սյունիքի Նորավան գյուղում և շրջակայքում հարաբերական անդորր է, ռազմական գործողություններ այս պահին չեն ընթանում։ Այդ մասին MediaHub-ի հետ զրույցում ասաց Նորավանի գյուղապետ Սլավիկ Պապյանը։
«Երեկ գիշերվանից հանգիստ վիճակ է, ամեն ինչ նորմալ է»,- նշեց նա։
Պապյանի խոսքով՝ այս պահի դրությամբ ամեն ինչ հանդարտ է։ Գյուղն իր սովորական ու բնականոն կյանքով է ապրում։
Ավելի վաղ հայտնել ենք, որ երեկ՝ նոյեմբերի 16-ին, Ադրբեջանը բացահայտ հարձակվել էր ՀՀ արևելյան սահմանի ուղղությամբ տեղակայված հայկական դիրքերի վրա։ Ավելի ուշ պաշտպանության նախարարությունը պաշտոնապես հաստատեց լուրը, իսկ գիշերը նշեց նաև մեկ զոհի մասին։ Զոհերի և վիրավորների մասին պաշտոնական թիվը մինչ այս պահը չի թարմացվել։ ՊՆ-ն պաշտոնապես հայտարարել է 13 զինվորականի գերեվարվելու մասին։
Անի Մարտիրոսյան
