Գողացել են Պարույր Հայրիկյանի դստեր ավտոմեքենայի համարները և վերադարձնելու համար գումար պահանջել
Nov 20, 2022
1 min read
Aravot.am-ի տեղեկություններով դեկտեմբերի 29-ին անհայտ անձը կայանված վայրից գողացել է Նարե Պարույրի Հայրիկյանի անձնական օգտագործման «Սուբարու» մակնիշի ավտոմեքենայի պետհամարանիշերը եւ դրանք վերադարձնելու դիմաց «Տելեգրամ» հավելվածի միջոցով պահանջել 55 հազար դրամ: Նարե Հայրիկյանը հաղորդում է ներկայացրել ոստիկանություն: Նախապատրաստվում են նյութեր:
Aravot.am-ը փորձեց Պարույր Հայրիկյանից ճշտել, թե ներկայում ի՞նչ փուլում է գործը, սակայն կոնկրետ բան պարզել չհաջողվեց, քանի որ Պարույր Հայրիկյանը երկրից բացակայելու պատճառով չպատասխանեց մեր հեռախոսազանգերին:
