Սատուրնի արբանյակներից մեկի մակերեսի տակ օվկիանոս է թաքնված
Փորձելով հայտնաբերել Սատուրնի Միմասի վրա երկրաբանական ակտիվություն կամ հաստատել դրա բացակայությունը Հյուսիսարեւմտյան հետազոտական ինստիտուտի (ԱՄՆ) գիտնականները հայտնաբերել են «համոզիչ ապացույցներ», որ օվկիանոս կարող է թաքնված լինել օբյեկտի մակերեւույթի տակ: Եթե վարկածը հաստատվի, ապա Արեգակնային համակարգում կհայտնվի մեկ այլ կյանքի համար պիտանի պոտենցիալ վայր, հաղորդում է 3dnews.ru-ն՝ հղում անելով The Verge-ին։
Այլմոլորակային կյանքի որոնման ծրագրի համար առաջին թեկնածուն են համարվում Սատուրնի արբանյակը՝ Էնցելադը եւ Յուպիտերի արբանյակը՝ Եվրոպան։ Գիտնականների կարծիքով՝ Էնցելադը նույնիսկ պարունակում է անհրաժեշտ նյութեր՝ պահպանելու ծովի ջրի բաղադրությունը, որը ժայթքում է իր գեյզերներից՝ Հարավային բեւեռի մոտ։
Ե՛վ Էնցելադը, եւ՛ Եվրոպան ցույց են տալիս երկրաբանական ակտիվության նշաններ, ինչը վկայում է ջերմության աղբյուրի հավանական առկայությունը: Սակայն Միմասի մակերեսը բառացիորեն պատված է խառնարաններով, որոնցից մեկը՝ Հերշելը, ունի 130-ից 140 կմ տրամագիծ, ինչը լուսինը դարձնում է «Աստղային պատերազմներից» «մահվան աստղի» նման։
